نیتو چندرا سریواستو امریکہ کے 10 شہروں میں امراؤ جان ادا کا کردار ادا کریں گی

معروف اداکارہ نیتو چندرا سریواستو امریکہ کے 10 شہروں میں امراؤ جان ادا کا کردارپیش کریں گی۔نیتو چندرا سریواستو ان دنوں میوزیکل ڈرامہ امراؤ جان ادا کے حوالے سے شمالی امریکہ کے دورے پر ہیں۔ یہ ڈرامہ مرزا ہادی رسوا کے ناول پر مبنی ہے، جس کی ہدایت کاری راجیو گوسوامی اور اس کی موسیقی خیام اور سلیم سلیمان نے دی ہے۔

اس ڈرامے میں نیتو چندرا سریواستو امراؤ جان ادا کے کردار کو 10 شہروں میں گلوبل اسٹیج پر پرفام کرتی نظر آئیں گی۔ نیتو چندرا سریواستو نے اپنے آفیشل ایکس (ٹویٹر) ہینڈل پر لکھا کہ میں اس کے حوالے سے کافی پرجوش ہوں۔ اب آپ کی نیک خواہشات کی ضرورت ہے۔

نیتو چندرا سریواستو نے اپنی تصویر کے ساتھ لکھا کہ یہ میرے لئے جتنا سنسنی خیز ہے، اتنا ہی اعصاب شکن بھی۔ ایسے میں آپ کی نیک تمناؤں اور دعاؤں کی ضرورت ہے۔ یہ تقریب رواں سال اپریل کے مہینے میں امریکہ کے 10 شہروں میں منعقد ہونے جا رہی ہے۔ شو کا دورانیہ 2 گھنٹے 20 منٹ ہو گا اور ہر شہر میں 3 شوز منعقد کیے جائیں گے، اس کی ریہرسلیں شروع ہو چکی ہیں اور میں اس میں مصروف ہوں۔