سوشانت سنگھ کا قانونی وارث صرف میں ہوں، کوئی دوسرا نہ کرے معاملہ کی پیروی: والد کا بیان

پٹنہ: اداکار سوشانت سنگھ راجپوت کی موت کے معاملہ میں سپریم کورٹ کی طرف سے سی بی آئی جانچ کا فیصلہ سنائے جانے کے بعد ان کے والد کے کے سنگھ نے سوشانت کی املاک پر دعوی کیا ہے۔ سوشانت کے والد کے کے سنگھ نے پریس بیان جاری کرتے ہوئے کہا کہ سوشانت سنگھ کے وہ قانونی وارث ہیں۔

کے کے سنگھ نے بیان میں کہا کہ جن وکیلوں، سی ایز اور پروفیشنلز کی خدمات سوشانت سنگھ حاصل کر رہے تھے قانونی وارث ہونے کے ناطہ میں ان کی خدمات ختم کرتا ہوں۔ انہوں نے کہا، ’’میری اجازت کے بغیر کسی وکیل، سی اے یا دیگر کو سوشانت کے معاملہ میں پیش ہونے کا حق نہیں ہوگا۔‘‘

واضح رہے کہ حال ہی میں کچھ وکیلوں نے میڈیا میں کہا تھا کہ وہ سوشانت کے لئے وکیل مقرر کرنے کا حق رکھتے ہیں۔ ان لوگوں نے سوشانت سے ہوئی کچھ باتوں کا حوالہ بھی دیا تھا۔ سوشانت کے والد نے کہا ’’میں کسی کو بھی یہ حق نہیں دیتا کہ وہ سوشانت سنگھ کے معاملہ میں خود کو پیش کرے۔‘‘

انہوں نے مزید کہا، ’’میں یہ بھی صاف کر دیتا ہوں کہ میں اور میری بیٹیوں نے ایس کے وی لا آفیسز، کمرشیل، ورون سنگھ کو بطور وکیل مقرر کیا ہے۔ ساتھ ہی سینئر وکیل وکاس سنگھ میرے خاندان کی پیروی کرنے کا حق رکھتے ہیں۔ کوئی دوسرا شخص جو دعوی کر رہا ہے، انہیں میں نے اجازت نہیں دی ہے۔

’انصاف کی رکاوٹوں کو دور کرنے کے لیے نتیش کا شکریہ ادا کیا‘

اس سے قبل، سوشانت سنگھ راجپوت کی مشتبہ حالت میں ہوئی موت کے معاملہ کی مرکزی جانچ بیورو (سی بی آئی) سے جانچ کرانے کے سپریم کورٹ کے فیصلے کا ان کے اہل خانہ نے خیرمقدم کرتے ہوئے وزیر اعلیٰ نتیش کمار کو انصاف میں حائل رکاوٹ کو رفتار دینے کے لیے خاص طور پر شکریہ ادا کیاہے۔

اداکار سوشانت سنگھ راجپوت کے اہل خانہ کی جانب سے ایک تحریری پیغام بدھ کو جاری کیا گیا ہے جس میں کہا گیا ہے،’’سوشانت کے اہل خانہ دوستو، مداحوں، میڈیا اور اس کے دنیا بھر کے کروڑوں فینس کا دل سے شکریہ۔سوشانت کے تئیں آپ کی گہری محبت اور ہمارے ساتھ کھڑے ہونے کے لیے ہم آپ کے احسان مند ہیں۔

پیغام مزید کہا گیا، ’’میں ہم نتیش کمار وزیر اعلیٰ بہار حکومت کا خصوصی طور پر شکریہ اداکرتے ہیں۔ انہوں نے حائل انصاف کے عمل کو رفتار دی۔ اب جبکہ ملک کی سب سے قابل اعتماد جانچ ایجنسی نے کام سنبھال لیا ہے ہمیں پورا یقین ہے کہ قصورواروں کو ان کے جرم کی سزا ملے گی۔ہمارا ماننا ہے کہ اداروں میں لوگوں کا یقین قائم رہنا چاہیے۔آج کی پیش رفت سے جمہوریت میں ہمارا یقین اور بھی مضبوط ہوا ہے۔ملک سے ہماری محبت اٹوٹ ہے۔آج اور بھی مضبوط ہوئی ہے۔‘‘