ٹیم انڈیا نے سری لنکا کو 50 رنز پر آل آؤٹ کیا، سراج نے تباہی مچا دی

ٹیم انڈیا نے سری لنکا کو 50 رن پر آل آؤٹ کر دیا۔ محمد سراج نے ہندوستان کے لیے خطرناک بولنگ کی۔ انہوں نے 7 اوورز میں 21 رنز دے کر 6 وکٹیں حاصل کیں۔ سراج نے ایک میڈن اوور بھی کروایا۔ ہاردک پانڈیا نے 2.2 اوور میں 3 رن دے کر 3 وکٹیں حاصل کیں۔ بمراہ نے ایک وکٹ حاصل کی۔ انہوں نے 5 اوورز میں 23 رنز دیے۔ سری لنکا کی جانب سے کوسل مینڈس نے سب سے زیادہ 17 رنز بنائے۔ ہیمنتھا نے 13 رنز بنائے۔

ٹیم انڈیا کے بہترین فاسٹ بولر محمد سراج نے ایشیا کپ 2023 کے فائنل میچ میں سری لنکا کے خلاف تاریخ رقم کر دی ہے۔ محمد سراج نے فائنل میچ میں سری لنکا کے چھہ  کھلاڑیوں کو آؤٹ کر کے اس کے بلے بازوں کی کمر توڑ دی اور ایسا کرنے میں انہوں نے بہت کم گیندیں خرچ کیں۔ محمد سراج نے 3 اوورز میں 5 رنز دے کر 5 وکٹیں حاصل کر لی تھیں۔

سری لنکا کے شہر کولمبو کے آر پریماداسا اسٹیڈیم میں کھیلے جارہے اس فائنل میچ میں سری لنکن ٹیم نے ٹاس جیت کر پہلے بیٹنگ کا فیصلہ کیا تاہم محمد سراج نے اس فیصلے کو غلط ثابت کردیا۔ ٹاس کے بعد بارش ہوئی اور میچ آدھے گھنٹے کی تاخیر سے شروع ہوا۔ اس کے بعد ٹیم انڈیا کے تیز گیند باز محمد سراج نے جو تباہی مچا دی وہ ناقابل تصور تھی۔