پاکستان اسکاٹ لینڈ کے خلاف مسلسل پانچویں جیت کے ارادے سے میدان پر اترے گا

شارجہ: زبردست فارم میں کھیل رہا اور ٹی۔20 عالمی کپ کے سیمی فائنل میں پہنچ چکا پاکستان اتوار کو اسکاٹ لینڈ کے خلاف ہونے والے گروپ دو مقابلے میں مسلسل پانچویں جیت حاصل کرنے کے ارادے سے اترے گا۔

پاکستان نے اپنے چاروں میچ آسانی سے جیت کر سب سے پہلے سیمی فائنل میں جگہ بنائی تھی اور اب اس کے نشانہ پر اسکاٹ لینڈ کی ٹیم ہوگی۔دوسری طرف اسکاٹ لینڈ کو پاکستان کے شکنجہ میں آنے سے بچنے کے لئے کچھ کرشمائی کارکردگی کا مظاہرہ کرنا ہوگا لیکن کل اسکاٹ لینڈ نے جس طرح ہندوستان کے خلاف ناقص کارکردگی کو دیکھتے ہوئے ایسا امکان کم ہی لگتا ہے۔

سیمی فائنل میں اترنے سے پہلے پاکستان کی ٹیم اگر کوئی تجربہ کرنا چاہتی ہے تو وہ اس میچ میں کرسکتی ہے۔ دوسری طرف ہندوستان کے خلاف کل ہوئے میچ میں محض 85 رن پر سمٹ جانے والی اسکاٹش ٹیم اپنی کارکردگی میں کچھ بہتری لانا چاہے گی تاکہ وہ کچھ احترام کے ساتھ عالمی کپ سے وداعی لے سکے۔

اسکاٹ لینڈ کے کپتان کائل کوئتزر نے ہندوستان کے خلاف میچ کے بعد کہا کہ دیکھئے کسی بھی ٹیم کے لئے تجربہ بہت معنی رکھتا ہے ظاہر ہے آج کا نتیجہ ویسا بالکل نہیں رہا جیسی ہم نے امید کی تھی لیکن ہمیں ان جیسے دنوں کے لئے تیار رہنا ہوگا کیونکہ اسی راستے پر چلتے ہوئے ہی ہم بہتر دنوں کی خواہش کرسکتے ہیں۔ ہندوستان نے اعلی درجہ کا کھیل دکھایا ہے، اس سے بھی ہمیں سیکھنا چاہئے۔ مجھے اپنی ٹیم اور کھلاڑیوں پر فخر ہے، لیکن ہمیں ابھی مزید بہت کچھ سیکھنا ہے۔

کوئتزر نے پاکستان کے خلاف مقابلے کے لئے کہاکہ ہم اس میچ کے لئے بھی تیاری کررہے ہیں اور کوشش کریں گے کہ پازیٹیونوٹ کے ساتھ ہم گھر واپس جائیں۔