کرکٹ
سب سے تیز ’وکٹوں کی سنچری‘ مکمل کر محمد شامی نے بنایا عالمی ریکارڈ
ہندوستان کی جانب سے یک روزہ کرکٹ میں ابھی تک سب سے تیز 100 وکٹ لینے کا ریکارڈ عرفان پٹھان کے نام پر تھا جب کہ عالمی سطح پر نیوزی لینڈ کے ٹرینٹ بولٹ نے یہ کارنامہ 56ویں میچ میں انجام دیا تھا۔
نیپیر میں نیوزی لینڈ کے خلاف بدھ کو کھیلے جا رہے یک روزہ کرکٹ میچ میں مارٹن گپٹل کو شکار بنانے کے ساتھ ہی ہندوستان کے تیز گیندباز محمد شامی نے بڑی حصولیابی اپنے نام کر لی ہے۔ میکلیرین پارک میدان پر جاری میچ میں محمد شامی نے گپٹل کا وکٹ گرنے کے ساتھ ہی بین الاقوامی یک روزہ میچ میں سب سے تیزی کے ساتھ 100 وکٹ پورے کرنے والے ہندوستانی ہونے کا شرف حاصل کیا ہے۔
Published: undefined
شامی نے اس دوران عرفان پٹھان کو پیچھے چھوڑ دیا ہے۔ شامی نے 56ویں یک روزہ میچ میں وکٹوں کی سنچری مکمل کرنے کا فخر حاصل کیا۔ پٹھان نے کارنامہ 59ویں میچ میں انجام دیا تھا۔ بین الاقوامی سطح پر شامی نے نیوزی لینڈ کے گیندباز ٹرینٹ بولٹ کے ریکارڈ کی برابری کی ہے۔ انھوں نے بھی 56 میچوں میں 100 وکٹ اپنے نام کیے تھے۔ اس کے علاوہ سابق ہندوستانی تیز گیندباز ظہیر خان نے 65میچوں میں، اجیت اگرکر نے 67 میچوں میں اور جواگل سری ناتھ نے 68 میچوں میں اپنے یک روزہ بین الاقوامی کیریر کے 100 وکٹ پورے کیے تھے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined