بنگلہ دیش کے خلاف دوسرے ٹیسٹ کا پہلا سیشن بارش کی نذر، کوئی گیند نہیں پھینکی جا سکی

کانپور: ہندوستان اور بنگلہ دیش کے درمیان دوسرے ٹیسٹ کا دوسرا دن بھی بارش سے متاثر رہا اور ہفتہ کو پہلے سیشن میں ایک بھی گیند نہیں پھینکی جا سکی۔ بنگلہ دیش نے 107 رنز پر 3 وکٹوں کے نقصان سے اپنی اننگز شروع کرنی تھی لیکن مسلسل بارش کی وجہ سے یہ ممکن نہ ہو سکا۔

پہلے ٹیسٹ میچ میں تین دن بارش کی پیشگوئی کی گئی تھی، جس کی تصدیق ہفتہ کے دن پہلے سیشن کے ختم ہونے سے ہو گئی۔ اس سے قبل جمعہ کو پہلے دن بھی بارش نے کھیل میں خلل ڈالا تھا اور صرف 35 اوورز کا کھیل ممکن ہو سکا تھا۔ اس دوران بنگلہ دیش نے 3 وکٹوں کے نقصان پر 107 رنز بنائے تھے۔

جمعہ کی رات کی بارش کی وجہ سے میدان گیلا تھا اور کھیل میں تاخیر ہوئی لیکن اس دوران بائیں ہاتھ کے بلے باز شادمان اسلام اور کپتان نجم الحسن شانتو نے ذمہ داری سے بیٹنگ کی اور اپنی ٹیم کو مستحکم کرنے کی کوشش کی۔ تاہم، جیسے ہی بارش دوبارہ شروع ہوئی، پورا میدان کور سے ڈھک دیا گیا اور میچ کے حکام نے دن کا کھیل ختم کرنے کا فیصلہ کیا۔

ہندوستان کی طرف سے فاسٹ بولر آکاش دیپ نے بہترین گیندبازی کا مظاہرہ کرتے ہوئے 2 وکٹیں حاصل کیں، جبکہ آف اسپنر روی چندرن اشون نے بھی ایک وکٹ لی۔ بنگلہ دیش کے بلے باز مومن الحق 40 رنز کے ساتھ کریز پر موجود ہیں اور ان کا ساتھ مشفق الرحیم دے رہے ہیں جو 6 رنز پر ناٹ آؤٹ ہیں۔