عالمی کپ: بابر اعظم کی سنچری، پاکستان نے نیوزی لینڈ کو 6 وکٹ سے ہرایا

برمنگھم: پاکستان نے ایج بیسٹن کے میدان پر کھیلے گئے آئی سی سی عالمی کپ 2019 کے میچ میں نیوزی لینڈ کو 6 وکٹ سے ہرا دیا۔

نیوزی لینڈ نے ٹاس جیت کر کسی طرح 50 اووروں میں 6 وکٹ کے نقصان پر 237 رنوں کا اسکور بنایا۔ اس ہدف کا تعاقب پاکستان نے 49.1 اووروں میں چار وکٹ کھو کر حاصل کر لیا۔

اسی کے ساتھ پاکستان نے نیوزی لینڈ کو اس عالمی کپ میں پہلی ہار سے ہم کنار کرایا۔ ابھی تک کیوی ٹیم ٹورنامنٹ میں ناقابل شکست رہے تھے۔

پاکستان کے لئے بابر اعظم نے سب سے زیادہ نابعد 101 رن بنائے۔ اپنی اننگ کے دران بابر نے 127 گیندوں کا سامنا کیا اور 11 چوکے لگائے۔ حارث سہیل نے 76 گیندوں میں 68 رنوں کا تعاون کیا۔ انہوں نے اننگ کے دوران 5 چوکے اور دو چھکے لگائے۔

قبل ازیں، نیوزی لینڈ کی شروعات خراب رہی لیکن کولن ڈی گرینڈہوم اور جیمز نیشم کے درمیان ہوئی شراکت داری کی سنچری کے دم پر وہ 50 اووروز میں 50 اوور میں 6 وکٹ کھو کر 237 رن کا اسکور کھڑا کرنے میں کامیابی حاصل کی۔

کیوی ٹیم کے لئے نیشم نے نابعد 97 رن بنائے، جس کے لئے انہوں نے 112 گیندوں کا سامنا کیا اور 5 چوکوں کے علاوہ تین چھکے بھی لگائے۔ ڈی گرینڈہوم نے 71 گیندوں میں 64 رن بنائے۔

پاکستان کے شاہین آفریدی نے تین وکٹ حاصل کئے۔

بابر اعظم کو شاندار بلے بازی کے لئے میچن آف دی میچ قرار دیا گای۔

بابر اعظم کی نصف سنچری (52) کے بعد پاکستان کا اسکور 31 اوور کے بعد 132 رن پہنچ گیا ہے۔ کریز پر موجود دوسرے بلے باز حارث سہیل نے 17 رن بنا لئے ہیں۔ پاکستان کو یہاں سے جیت کے لئے 114 گیندوں میں 106 رن درکار ہیں۔

تیسرے وکٹ کے لئے بابر اعظم کا بہتر ساتھ دے کر پاکستان کی اننگ کو سنبھالنے والے محمد حفیظ 32 رن بنا کر آؤٹ ہو گئے ہیں۔ انہیں کین ولیمسن کی گیند پر لاکی فرگیوسن نے کیچ کیا۔

فی الحال 25 اوور ختم ہونے کے بعد پاکستان کا اسکور 3 وکٹ کے نقصان پر 110 رن ہے۔ نئے بلے گاز کے طور پر حارث سہیل میدان پر پہنچے ہیں جبکہ بابر اعظم 48 رن بنا کر کریز پر موجود ہیں۔

بابر اعظم کے 46 اور محمد حفیظ کے 29 رنوں کی بدولت پاکستان نے دو وکٹ کے نقصان پر 24 اوور کے بعد 105 رن بنا لئے ہیں۔

فخر الزماں کے طور پر پاکستان نے اپنا دوسرا وکٹ کھو دیا ہے۔ انہوں نے 19 رنوں کا تعاون کیا اور فرگیوسن کی گیند پر انہیں گپٹل نے کیچ آؤٹ کیا۔

238 رنوں کا تعاقب کرنے اتری پاکستان کی ٹیم نے فخرالزماں کے طور پر اپنا پہلا وکٹ 19 رن کے اسکور پر کھو دیا ہے۔ انہیں ٹرینٹ بولٹ کی گیند پر مارٹن گپٹل نے لپکا۔

فی الحال 4 اوور کے ختم ہونے کے بعد پاکستان کا اسکور ایک وکٹ کے نقصان پر 20 رن ہے۔ نئے بلے باز کے طور پر بابر اعظم میدان پر پہنچے ہیں جبکہ امام الحق 11 رن بنا کر کریز پر موجود ہیں۔

عالمی کپ میں ’کرو یا مرو‘ کی حالت میں نیوزی لینڈ کے خلاف کھیلتے ہوئے پاکستان کے گیندبازوں نے آج شاندار گیندبازی کا مظاہرہ کیا اور نیوزی لینڈ کو 50 اوور میں 6 وکٹ کے نقصان پر 237 رنوں تک محدود رکھا۔

پاکستان کے نوجوان گیندباز شاہین آفریدی نے آج بہترین گیندبازلی کا مظاہرہ کیا اور 10 اوور میں محض 28 رن دے کر 3 وکٹ حاصل کئے۔ اس کے علاوہ شاداب خان اور محمد عامر نے ایک ایک وکٹ حاصل کیا۔

قبل ازیں ٹاس جیت کر پہلے بلے بازی کرتے ہوئے نیوزی لینڈ کی شروعات نہایت ہی خراب رہی اور 85 کے اسکور تک اس نے 5 کھلاڑیوں کو کھو دیا تھا۔ اس کے بعد کولن ڈی گرینڈہوم اور جیمز نیشم نے تحمل بھری بلے بازی کی اور ٹیم کے اسکور کو 200 رنوں کے پار تک لے گئے۔

کول ڈی گرینڈ ہوم نے 64 رنوں کا تعاون کیا جبکہ نیشم نے نابعد رہتے ہوئے 97 رنوں کا تعاون کیا۔ اس کے علاوہ کپتان کین ولیمسن نے 41 رنوں کی اننگ کھیلی۔

پاکستان کو جیت کے لئے 238 رن بنانے ہیں۔ اگرچہ یہ ہدف کوئی زیادہ بڑا نہیں ہے لیکن پاکستان کے بلے بازوں کو اگر جیتنا ہے تو اعتماد کے ساتھ وکٹ پر ٹک کر بلے بازی کرنی ہوگی۔ واضح رہے کہ پاکستان کو سیمی فائنل کی ریس میں بنے رہنے کے لئے یہ میچ جیتنا بے حد ضروری ہے۔

پاکستانی ٹیم کو آخرکار نیشم اور گرینڈہوم کی جوڑی کو توڑنے میں کامیابی حاصل ہوئی۔ محمد عامر نے گرینڈہوم کو 64 کے نجی اسکور پر رن آؤٹ کر کے پویلین بھیج دیا۔

فی الحال 49 اوور کے بعد نیوزی لینڈ کا اسکور 6 وکٹ کے نقصان پر 223 رن ہے۔

پاکستان کے خلاف بلے بازی کرتے ہوئے نیوزی لینڈ کی ٹیم نے 45 اوور کے بعد 5 وکٹ کے نقصان پر 184 رن بنا لئے ہیں۔ چھٹے وکٹ کے لئے نیشم اور گرینڈہوم نے 100 رن سے زیادہ کی شراکت داری کر لی ہے اور دونوں ابھی تک کریز پر موجود ہیں۔

نیشم (69) اور گرینڈہوم (50) دونوں ہی اپنی اپنی نصف سنچری مکمل کر چکے ہیں۔ 83 رن پر 5 وکٹ کھو دینے کے بعد نیوزی لینڈ نے میچ میں واپسی کر لی ہے اور اسکور 200 رن کے قریب پہنچا دیا ہے۔

نیوزی لینڈ کی ٹیم نے ٹاس جیت کر پہلے بلے بازی کرتے ہوئے 40 اوورز میں 5 وکٹ کے نقصان پر 152 رن بنا لئے ہیں۔ جیمز نیشم نصف سنچری مکمل کر چکے ہیں جبکہ کولن ڈی گرینڈہوم 38 رن بنا کر کھیل رہے ہیں۔

پاکستان کے خلاف عالمی کپ کے میچ میں 5 کھلاڑیوں کے آؤٹ ہونے کے بعد نیوزی لینڈ کے جیمز نیشم (39) اور ڈی گرینڈ ہوم (30) نے نیوزی لینڈ کی اننگ کو سنبھال لیا ہے اور اسکور 132 رنوں تک پہنچا گیا ہے۔

پاکستانی گیندبازوں نے نیوزی لینڈ کے خلاف شاندار بولنگ کی ہے جس کی وجہ سے 30 اوور ختم ہونے پر اس کا اسکور 100 سے بھی کم 94 رن ہے۔

کپتان کین ولیمسن کے طور پر پاکستان کو پانچویں کامیابی حاصل ہوئی، انہیں 41 کے نجی اسکور پر شاداب خان کی گیند پر وکٹ کے پیچھے کپتان سرفراز احمد نے لپکا۔

کرو یا مرو کی حالت میں کھیل رہی پاکستانی ٹیم نے اس میچ میں شاندار کارکردگی کا مظاہرہ کرتے ہوئے اس ٹورنامنٹ میں ابھی تک ناقابل شکست ٹیم نیوزی لینڈ کو بری طرح پریشان کر دیا ہے اور 100 رن سے بھی پہلے ان کے نصف کھلاڑی پویلین لوٹ چکے ہیں۔

پاکستان کی طرف سے ابھی تک شاہین آفریدی نے تین جبکہ محمد عامر اور شادان خان نے ایک ایک وکٹ حاصل کیا ہے۔

فی الحال 28 اوور ختم ہونے کے بعد نیوزی لینڈ کا اسکور 5 وکٹ کے نقصان پر 86 رن ہے۔ نئے بلے باز کے طور پر کولن ڈی گرینڈہوم میدان پر پہنچے ہیں جبکہ جیمس نیشم 20 رن بنا کر کھیل رہے ہیں۔

چار وکٹ گر جانے کے بعد کپتان کین ولیمسن اور جیمس نیشم نے نیوزی لینڈ کی اننگ کو سنبھالا ہے۔ ولیمسن 63 گیندوں میں 39 رن پر جبیہ نیشم 35 گیندوں میں 15 رن پر کھیل رہے ہیں۔

نیوزی لینڈ کا اسکور فی الحال 23 اوور ختم ہونے کے بعد 4 وکٹ کے نقصان پر 76 ہے۔

شاہین آفریدی کی طرف سے شاندار گیندبازی کا مظاہرہ جاری ہے اور وہ اب تک نیوزی لینڈ کے 3 کھلاڑیوں کو اپنا شکار بنا چکے ہیں۔ نیوزی لینڈ کا چوتھا وکٹ ٹام لاتھم کے طور پر گرا انہوں نے محض ایک رن کا تعاون کیا۔ لاتھم نے بغیر قدموں کا استعمال کئے شاہین کی گیند کو کھیلنا چاہا اور بلے کا کنارہ دے بیٹھے۔ سرفراز نے اس مرتبہ وکٹ کے پیچھے ایک آسان سا کیچ لیا اور پاکستان اس میچ میں مضبوط پوزیشن میں پہنچ گیا ہے۔

شاہین آفریدی نے اب تک 6 اوور پھینکے ہیں اور محض 9 رن دے کر 3 وکٹ حاصل کر لئے ہیں۔ انہوں نے 3 اوور میڈن پھینکے ہیں۔ اس کے علاوہ محمد عامر نے 4 اوور میں 23 رن دے کر ایک وکٹ حاصل کیا ہے۔

فی الحال 13 اوور کے اختتام پر نیوزی لینڈ کا اسکور 4 وکٹ کے نقصان پر 46 رن ہے۔ جیمس نیشم نئے بلے باز کے طور پر میدان پر پہنچے ہیں جبکہ کپتان کین ولیمسن 23 رن بنا کر کریز پر موجود ہیں۔

شاہین آفریدی نے شاندار گیندبازی کا مظاہرہ کرتے ہوئے روس ٹیلر کے طور نیوزی لینڈ کے تیسرے کھلاڑی کو آؤٹ کر دیا۔ یہ شاہین کا دوسرا شکار تھا۔ روس ٹیلر نے شاہین کی گڈ لینتھ گیند پر بیک فٹ پر جاکر ڈفینس کرنے کی کوشش کی لیکن گیند بلے کو چھوکر گزر گئی اور وکٹ کیپر کپتان سرفراز احمد نے اپنے دائیں جانب ڈائیو لگا کر ایک ہاتھ سے شاندار کیچ لینے میں کوئی چوک نہیں کی۔ سرفراز کا یہ کیچ ٹورنامنٹ کے شاندار کیچوں میں شمار کیا جائے گا۔

فی الحال 10 اوور کے اختتام پر نیوزی لینڈ کا اسکور 44 رن ہے۔ روس ٹیلر کے آؤٹ ہونے کے بعد ٹام لاتھم نئے بلے باز کے طور پر میدان پر پہنچے ہیں جبکہ کپتان کین ولیمسن 21 رن بنا کر کریز پر موجود ہیں۔

تیز گیند باز شاہین آفریدی نے نیوزی لینڈ کے دوسرے سلامی بلے باز کولن منرو کو 12 کے نجی اسکور پر حارث سہیل کے ہاتھوں کیچ آؤٹ کراکر پاکستان کو دوسری کامیابی دلائی۔

شاہین آفریدی نے ایک شاندار گیند پھینکی جس پر منرو کے بلے کا کنارہ لگا اور گیند پہلی سلپ میں کھڑے حارث سہیل کے ہاتھوں میں چلی گئی۔

فی الحال 7 اوور کے اختتام پر نیوزی لینڈ کا اسکور 2 وکٹ کے نقصان پر 24 رن ہے۔ منرو کے آؤٹ ہونے کے بعد روس ٹیلر نئے بلے باز کے طور پر میدان میں پہنچے ہیں جبکہ کپتان کین ولیمسن 6 رن بنا کر کریز پر موجود ہیں۔

محمد عامر نے میچ کے دوسرے اور اپنے پہلے ہی اوور میں پاکستان کو پہلی کامیابی دلا دی ہے۔ انہوں نے نیوزی لینڈ کے سلامی بلے باز مارٹن گپٹل کو 5 رن پر شاندار طریقے سے بولڈ کر کے پویلین واپس بھیج دیا۔

فی الحال 2 اوور کے اختتام پر نیوزی لینڈ کا اسکور ایک وکٹ کے نقصان پر 6 رن ہے۔ نئے بلے باز کے طور پر کپتان کین ولیمسن میدان پر پہنچے ہیں۔ جبکہ ان کے ساتھ دوسرے سلامی بلے باز کولن منرو کریز پر موجود ہیں۔

عالمی کپ میں نیوزی لینڈ نے پاکستان کے خلاف ٹاس جیت لیا ہے اور پہلے بلے بازی کرنے کا فیصلہ کیا ہے۔ نیوزی لینڈ اگر یہ میچ جیت جاتا ہے تو وہ سیمی فائنل میں مقام حاصل کر لے گا جبکہ پاکستان کو سیمی فائنل کے سفر کے لئے اپنی امیدیں برقرار رکھنی ہیں تو اسے یہ میچ ہر حال میں جیتنا ہوگا۔

اس میچ کے لئے دنوں ٹیموں نے کوئی تبدیلی نہیں کی ہے۔

ٹیمیں اس طرح ہیں

پاکستان: سرفراز خان (وکٹ کیپر، کپتان)، فخرالزماں، امام الحق، بابر اعظم، محمد حفیظ، حارث سہیل، شاداب خان، عماد وسیم، شاہین آفریدی، وہاب ریاض، محمد عامر۔

نیوزی لینڈ: مارٹن گپٹل، کولن منرو، کین ولیمسن (کپتان)، روس ٹیلر، ٹام لاتھم، جمی نیشم، کولن ڈی گرانڈہوم، میٹ ہینری، لاکی فرگیوسن، مشیکل سینٹنر، ٹرینڈ بولٹ۔

لندن: عالمی کپ 2019 میں پاکستان کے لئے ’کرو یا مرو‘ اور نیوزی لینڈ کے لئے سیمی فائنل کی راہ ہموار کرنے کے موقع والے میچ میں شروع ہونے سے قبل ہی بارش نے اپنا کھیل دکھا دیا ہے۔ یہاں ایج بیسٹن کے میدان پر پِچ گیلا ہونے کی وجہ سے اس میچ کے ٹاس میں بھی تاخیر ہو گئی ہے۔

سیمی فائنل میں پہنچے کے لئے پاکستان کو اب اپنے بقیہ تمام میچوں کو جیتنا ہوگا۔ پاکستان نے اپنے گزشتہ مقابلہ میں جنوبی افریقہ کو شکست دی تھی۔ ادھر نیوزی لینڈ کی ٹیم اب تک اس ٹورنامنٹ میں ایک بھی میچ نہیں ہاری ہے۔ اپنے گزشتہ میچ میں اس نے ویسٹ انڈیز کو ہرایا تھا۔