تیز گیندباز ڈیل اسٹین نے کرکٹ کے سبھی فارمیٹ سے ریٹائرمنٹ کا کیا اعلان

کیپ ٹاؤن: جنوبی افریقہ کے تیزگیندباز ڈیل اسٹین نے منگل کے روز تمام فارمیٹس اور ہر سطح کی کرکٹ سے ریٹائرمنٹ کا اعلان کیا۔ اسٹین نے اگست 2019 میں ٹیسٹ کرکٹ سے ریٹائرمنٹ لے لیا تھا۔ اسٹین نے منگل کو یہاں ایک بیان میں کہا کہ "آج میں باضابطہ طور پر اس کھیل سے ریٹائر ہو رہا ہوں جسے میں سب سے زیادہ پسند کرتا ہوں۔ خاندان سے لے کر ساتھیوں تک، صحافیوں سے لے کر مداحوں تک سب کا شکریہ۔ یہ ایک شاندار سفر رہا ہے۔ تربیت، میچز، سفر، فتوحات، شکست، زخمی ہونا، ہوائی جہاز کے سفر سے ہونے والی تھکاوٹ، خوشی اور بھائی چارے کو 20 سال ہو چکے ہیں۔ بتانے کے لیے بہت ساری یادیں ہیں اور شکریہ ادا کرنے کے لیے بہت سے چہرے ہیں، اس لیے میں نے اپنے پسندیدہ بینڈ ’کاؤنٹنگ کراس‘ کا خلاصہ کرنے کے لیے ماہرین پر چھوڑ دیا ہے۔

یاد رہے کہ اسٹین نےجنوبی افریقہ کے لیے 93 ٹیسٹ میچوں میں 439، 125 ون ڈے میں 196 اور 47 ٹی 20 میچوں میں 64 وکٹیں حاصل کی ہیں۔ اسٹین نے 2005 میں سنچورین میں ایشیا الیون کے خلاف افریقہ الیون کے لیے ون ڈے سے ڈیبیو کیا تھا۔ ان کی بہترین گیندبازی پرفارمنس 2013 میں پاکستان کے خلاف پورٹ الزبتھ میں سامنے آئی تھی جہاں انہوں نے ٹیسٹ اور محدود اوور دونوں کرکٹ میں بلے بازوں کو نشانہ بنایا تھا۔

اسٹین نے 2007 میں نیوزی لینڈ کے خلاف پہلا ٹی ٹوئنٹی کھیلا تھا اور ویسٹ انڈیز کے خلاف اپنے دوسرے میچ میں تین اوور میں نو رن پر چار وکٹ حاصل کرکے انہوں نے ٹی ٹوئنٹی کی اپنی بہترین کارکردگی کا مظاہرہ کیا تھا۔ انہوں نے آخری ون ڈے 2019 میں سری لنکا کے خلاف کھیلا جبکہ آخری ٹی ٹوئنٹی گزشتہ سال فروری میں آسٹریلیا کے خلاف کھیلا تھا۔