ڈالر کے مقابلے روپیہ کی تاریخی گراوٹ، پہلی بار 81 کی سطح عبور کی

نئی دہلی: ہندوستانی کرنسی کی تنزلی کا سلسلہ لگاتار جاری ہے۔ آج جمعہ 23 ستمبر کو روپیہ ڈالر کے مقابلے اپنی کم ترین سطح پر کھلا اور پہلی بار 81 فی ڈالر کی سطح کو عبور کر گیا۔ روپورٹ کے مطابق جمعرات کو روپیہ ڈالر کے مقابلے 80.86 کی سطح پر بند ہوا تھا۔ جمعرات کو روپے کی گراوٹ 24 فروری کے بعد کی سب سے بڑی گراوٹ تھی۔ ماہرین نے یش گوئی کی تھی کہ ڈالر کے مقابلے روپیہ 81 یا 81.50 کی سطح تک جا سکتا ہے۔

وزیر خزانہ نرملا سیتا رمن نے جمعرات کو کہا کہ حکومت زر مبادلہ کی شرح اور افراط زر کی نگرانی کر رہی ہے اور مناسب اقدامات کر رہی ہے یو ایس ڈالر انڈیکس 111 سے اوپر ہے اور دو سالہ یو ایس بانڈ کی پیداوار 4.1 فیصد کی کثیر سال کی بلند ترین سطح سے اوپر ہے۔ ان وجوہات کی وجہ سے جمعہ کو پہلی بار ڈالر کے مقابلے روپیہ 81.23 کی ریکارڈ کم ترین سطح پر آ گیا۔

پی ٹی آئی کی ایک رپورٹ کے مطابق غیر ملکی کرنسی کے تاجروں کا کہنا ہے کہ یو ایس فیڈرل ریزرو کی جانب سے شرح سود میں 75 بیسس پوائنٹس اضافے اور یوکرین میں بڑھتے ہوئے جغرافیائی سیاسی صورت حال کا اثر جوکھم برداشت کرنے کی صلاحیت کو متاثر کیا ہے۔ یہی وجہ ہے کہ غیر ملکی بازاروں میں امریکی کرنسی مضبوط ہوئی ہے۔ گھریلو ایکویٹی مارکیٹ کے مستحکم رجحان، سرمایہ کاروں کی جوکھم برداشت کرنے کی برداشت میں کمی اور خام تیل کی قیمتوں میں اضافے نے روپے کو متاثر کیا ہے۔

پی ٹی آئی نے ایچ ڈی ایف سی سیکیورٹیز کے ریسرچ اینالسٹ دلیپ پرمار کے حوالے سے کہا کہ روپے کی قدر میں کمی کا موجودہ رجحان گھریلو بنیادوں کی مضبوطی کے باوجود کچھ عرصے تک جاری رہ سکتا ہے۔ تاہم روپے کی کارکردگی دیگر ممالک کی کرنسی کے مقابلے بہتر رہے گی۔