تیل قیمتوں میں اضافہ جاری، دہلی میں ڈیزل 70 کے پار

ملک بھر میں تیل کے داموں میں اضافہ کا سلسلہ لگاتار جاری ہے۔ جمعہ کے روز پٹرول اور ڈیزل کی قیمتوں میں پھر اضافہ ہوا۔ دہلی میں جمعہ کے روز پٹرول میں 22 پیسے اور ڈیزل میں 28 پیسے فی لیٹر کا اضافہ ہوا۔ اس اضافہ کے ساتھ جمعہ کو دہلی میں پٹرول کی قیمت 78.52 فی لیٹر جبکہ ڈیزل کی قیمت 70.21 فی لیٹر ہو گئی ہے۔

دہلی میں ڈیزل کی یہ قیمت اب تک کی بلند ترین ہے اور پہلی مرتبہ یہ 70 کے پار گئی ہے۔ دہلی میں اس سے قبل 28 اگست کو ڈیزل کی قیمت 69.61 روپے فی لیٹر کی ریکارڈ سطح پر پہنچ گئی ہے۔

دہلی کے علاوہ ملک کی اقتصادی راجدھانی ممبئی میں بھی پٹرول اور ڈیزل کی قیمتوں میں اضافہ ہوا ہے۔ ممبئی میں پٹرول 21 پیسے کے اضافے کے بعد 85.93 روپے فی لیٹر جبکہ ڈیزل 30 پیسے کے اضافہ کے ساتھ 74.54 روپے فی لیٹر تک پہنچ گیا ہے۔ اس سے قبل جمعرات کو بھی پٹرول اور ڈیزل کی قیمتوں میں اضافہ ہوا تھا۔