پٹرول اور ڈیزل کی قیمتیں چھٹے روز بھی مستحکم

نئی دہلی: بین الاقوامی مارکیٹ میں تیل کی قیمتوں میں گزشتہ ہفتے اضافے کے باوجود پیر کو مسلسل چھٹے روز بھی پٹرول اور ڈیزل کی قیمتیں مستحکم رہیں۔ منگل کے روز ان دونوں ایندھنوں کی قیمتوں میں 15-15 پیسہ فی لیٹر کی کمی کی گئی تھی۔ آج دہلی میں انڈین آئل کے پمپ پر پٹرول جہاں 101.49 روپے فی لیٹر اور ڈیزل 88.92 روپے فی لیٹر پر مستحکم رہا۔

آئل مارکیٹنگ کمپنی انڈین آئل کارپوریشن کے مطابق آج دہلی میں پٹرول 101.49 روپے فی لیٹر اور ڈیزل 88.92 روپے فی لیٹر رہا۔ میکسیکو میں تیل نکالنے کے پلیٹ فارم پر پیش آئے حادثے کے اثرات مارکیٹ پر دکھائی دینے لگے ہیں۔ وہاں ہر روز تقریباً 400000 بیرل خام تیل کی پیداوار ہوتی تھی۔ مارکیٹ میں سپلائی میں کمی آنے کی وجہ سے برینٹ کروڈ اس ہفتے 73 ڈالر کے قریب پہنچ گیا۔ پٹرول اور ڈیزل کی قیمتوں کا یومیہ جائزہ لیا جاتا ہے اور اسی بنیاد پر ہر روز صبح 6 بجے سے نئی قیمتیں لاگو کی جاتی ہیں۔

ملک کے چار بڑے شہروں میں پٹرول اور ڈیزل کی قیمتیں مندرجہ ذیل ہیں:

شہر ———— پٹرول ————— ڈیزل

دہلی ———— 101.94 ————— 88.92۔

ممبئی ۔۔۔۔۔۔۔۔۔۔۔۔۔۔۔۔۔۔۔۔ 107.52 —————— 96.48۔

چنئی۔۔۔۔۔۔۔۔۔۔۔۔۔۔۔۔ 99.20 -—————-93.52۔

کولکتہ ———— 101.82 —————— 91.98۔