سات نومبر سے پانچ دنوں تک بینک بند رہیں گے

لکھنؤ: بینکوں میں مسلسل پانچ دنوں کی چھٹی ہونے سے کاروباریوں اور عام لوگوں کی دیوالی تہوار کے دوران نقدی کی کمی کا سامنا پڑ سکتا ہے۔

دیوالی کے تہورا کے دوران بینک سات نومبر سے 11 نومبر تک بند رہیں گے۔ نقدی کے لئے واحد ذریعہ اے ٹی ایم ہی ہونگے۔ پانچ دنوں کی چھٹی ہونے سے ان کا اثر کاروبارویوں پر بھی پڑسکتا ہے۔ تہواری خرید و فروخت کے چلتے اے ٹی ایم بھی دھوکہ دے سکتے ہیں۔
اس بار سات نومبرکو دیوالی، آٹھ کو پریوا، نو کو بھائی دوج، دس کو دوسرا سنیچر اورگیارہ نومبر کو اتوار ہونے کی وجہ سے بینک بند رہیں گے۔ ایسے میں نقدی کی کمی صارفئن کو پریشان کر سکتی ہے۔

حالانکہ بینکوں کے منیجروں کا کہان ہے کہ اے ٹی ایم میں وافر مقدار میں رقم ڈالی جائے گی جس سے تہواروں کے موقع پر کیش کرائسس نہیں ہوگا۔

اتنا ہی نہیں 13 اور 14 نومبر کو چھٹ ہے۔ نومبر کے آخری میں 23 نومبر کو عید میلادالنبی منایا جائے گا۔ اگلے دن یعنی سنیچر 24 نومبر کو گرو تیگ بہادرکا یوم شہادت ہے اس موقع پر کئی ریاستوں میں چھٹیاں ہوتی ہیں۔ 25 نومبر کو اتوار ہونے کی وجہ سے بینک بند رہیں گے۔