آن لائن گیمنگ پر 28 فیصد جی ایس ٹی، اشنیر گروور کو آیا غصہ

جی ایس ٹی کونسل کی 50ویں میٹنگ میں آن لائن گیمنگ پر 28 فیصد کی شرح سے جی ایس ٹی لگانے کا فیصلہ کیا گیا ہے۔ حکومت کے اس اقدام کے بعد اس گیمنگ انڈسٹری کے کئی تجربہ کار لوگوں نے اس فیصلے پر شدید ردعمل اور ناپسندیدگی کا اظہار کیا ہے۔ بھارت پے کے شریک بانی اور شارک ٹینک انڈیا کے سابق جج اشنیر گروور نے اس فیصلے پر ناخوشی کا اظہار کیا ہے اور ایک ٹویٹ کے ذریعے اس کی تنقید کی ہے۔

بھارت پے کے شریک بانی اشنیر گروور نے جی ایس ٹی کونسل کے آن لائن گیمنگ کی پوری قیمت پر 28 فیصد ٹیکس لگانے کے فیصلے پر سخت تنقید کی ہے۔ اس دوران انہوں نے یہ بھی کہا کہ اسٹارٹ اپ کے بانیوں کو اس وقت سیاست میں فعال طور پر قدم رکھنا ہو گا اور اپنی مناسب نمائندگی کو یقینی بنانا ہو گا، ورنہ حکومت دوسری صنعتوں کے ساتھ بھی ایسا ہی کرے گی۔

اشنیر گروور نے اپنی ٹوئٹ میں لکھا ہے کہ ’’آر آئی پی۔ ہندوستان میں حقیقی پیسے والی گیمنگ انڈسٹری کے لیے۔ اگر حکومت یہ سوچ رہی ہے کہ لوگ 72 روپے کے پاٹ انٹری (28 فیصد جی ایس ٹی) پر کھیلنے کے لیے 100 روپے لگائیں گے اور اگر وہ 54 روپے جیتتے ہیں (پلیٹ فارم فیس کے بعد)، تو انہیں 30 فیصد ٹی ڈی ایس بھی ادا کرنا پڑے گا۔ اس کے لیے انہیں پہلے مانسون میں اپنے کمرے میں ایک مفت سوئمنگ پول ملے گا تو ایسا نہیں ہونے جا رہا  ہے۔‘‘

انہوں نے  کہا کہ  وقت آ گیا ہے کہ اسٹارٹ اپ کے بانی  سیاست میں آئیں اور اپنی نمائندگی کریں اور اگر انہوں نے ایسا نہیں کیا تو باقی صنعت بھی ختم ہو جائیں گی۔ درحقیقت اشنیر گروور نے حال ہی میں اپنی فنٹاسی گیمنگ شروع کی ہے جسے ’کرکپے‘ کہا جاتا ہے۔ اس گیم میں صارفین کو ورچوئل ٹیم بنانے، فارم میں چلنے والے بہترین کھلاڑیوں کو منتخب کرنے، مقابلے میں شامل ہونے اور ان کی اصل گیم کی کارکردگی کی بنیاد پر پوائنٹس حاصل کرنے کی سہولت بھی ملتی ہے۔

واضح رہے جی ایس ٹی کونسل نے کل فیصلہ کیا ہے کہ آن لائن گیمنگ، کیسینو، ہ گھڑ دوڑ پر 28 فیصد جی ایس ٹی لگائی جائے گی۔ داخلے کے مقام پر اس شرط کی پوری قیمت کے لیے چارج کیا جائے گا۔ یہ خیال کیا جاتا ہے کہ اس سے آن لائن گیمنگ انڈسٹری کو بڑا دھچکا لگے گا، جو سال 2027 تک 25,000 کروڑ روپے کی آمدنی حاصل کرنے کی توقع کر رہی تھی۔