نیشنل فلم ایوارڈز میں جنوبی ہند کا جلوہ، رشبھ شیٹی ’کانتارا‘ کے لیے بہترین اداکار قرار

نئی دہلی: اطلاعات و نشریات کی وزارت نے جمعہ کو 70 ویں قومی فلم ایوارڈ (2022) کے فاتحین کے ناموں کا اعلان کر دیا، جس میں جنوبی ہند کے فنکار کا جلوہ رہا۔

نیشنل فلم ایوارڈز کے فاتحین کا اعلان نیشنل میڈیا سنٹر میں کیا گیا اور سال 2022 میں مختلف زبانوں میں بننے والی بہترین ہندوستانی فلموں کو صدر جمہوریہ اعزاز سے نوازیں گی۔ ان ایوارڈز کا اعلان بہترین فلم سے لے کر بہترین اداکار و اداکارہ تک کئی زمروں میں کیا گیا۔

خیال رہے کہ 70 ویں نیشنل فلم ایوارڈز یکم جنوری سے 31 دسمبر 2022 تک سنسر بورڈ سے تصدیق شدہ فلموں کو دیے جاتے ہیں۔

کنڑ سپر اسٹار رشبھ شیٹی نے 70 ویں نیشنل فلم ایوارڈز میں بہترین اداکار کا ایوارڈ جیتا ہے۔ انہیں اپنی فلم ’کانتارا‘ کے لیے بہترین اداکار کا ایوارڈ ملا ہے۔ اس سال کی جیوری میں فیچر فلم جیوری کے چیئرمین راہل رویل، نان فیچر فلم جیوری کے چیئرمین نیلا مادھب پانڈا اور سنیما جیوری پر بہترین تحریر کے چیئرمین گنگادھر مدلیئر شامل تھے۔

ملیالم زبان کی ڈرامہ فلم ’آتما‘ نے بہترین فیچر فلم کا ایوارڈ جیتا، جبکہ بہترین اداکارہ کا اعزاز نتھیا مینن اور مانسی پاریکھ کو دیا گیا۔ پونین سیلوین ۔ 1 کو 4 ایوارڈ سے نوازا گیا ہے۔ نتھیا مینن اور مانسی پاریکھ نے تروچترابلم میں کچھ ایکسپریس کے لیے ایوارڈ جیتا تھا۔ بہترین ہدایت کار کا ایوارڈ فلم اونچائی کے لیے سورج بڑجاتیہ کو دیا گیا۔

بہترین معاون اداکارہ کا ایوارڈ نینا گپتا کو فلم اونچائی کے لیے دیا گیا۔ بہترین معاون اداکار کا ایوارڈ فلم فوجی کے لیے پون ملہوترا کو دیا گیا۔ کانتارا کو مکمل تفریح ​​فراہم کرنے والی بہترین فیچر فلم قرار دیا گیا۔ پرمود کمار کو فلم فوج کے لیے بہترین ڈیبیو کا ایوارڈ ملا۔

(یو این آئی ان پٹ کے ساتھ)