سوشل میڈیا
ممبئی: اپنے دور میں چائلڈ آرٹسٹ کے طور پر مشہور جونیئر محمود عرف نعیم سید اس دنیا میں نہیں رہے۔ جونیئر محمود جمعرات اور جمعہ کی درمیانی شب 2.00 بجے کے قریب ممبئی کے کھار میں واقع اپنے گھر میں انتقال کر گئے۔ 67 سالہ جونیئر محمود گزشتہ چند برسوں سے معدے کے کینسر میں مبتلا تھے تاہم چند روز قبل ان میں اس مرض کی تشخیص کی گئی۔
Published: undefined
جونیئر محمود کے بیٹے حسنین نے کہا کہ صرف 18 دن پہلے ان کے والد کو پیٹ کے کینسر (آخری سٹیج) کی اطلاع ملی تھی۔ ملک کے سب سے بڑے کینسر ہسپتال ٹاٹا میموریل کے ڈین نے کہا کہ اب ان کی زندگی کے صرف دو ماہ رہ گئے ہیں اور ایسی صورتحال میں انہیں ہسپتال میں رکھنا درست نہیں ہوگا۔ اب اداکار نہیں رہے اور انہیں آج دوپہر نماز جمعہ کے بعد سپرد خاک کیا جائے گا۔
Published: undefined
ہسپتال کے ڈین نے کہا تھا کہ کینسر کے علاج کے دوران جونیئر محمود کے لیے کیموتھراپی بہت تکلیف دہ ثابت ہوگی جو آخری مراحل میں سنگین حالت میں پہنچ چکے تھے اور بہتر ہوگا کہ وہ اپنے آخری لمحات گھر پر اپنے قریبی لوگوں میں گزاریں۔ جونیئر محمود کو جاننے اور ان سے پیار کرنے والے 700 لوگ بیمار حالت میں ان سے ملنے آئے تھے، جن میں جانی لیور، سچن پِلگاونکر اور جیتندر جیسی مشہور شخصیات شامل تھیں۔
Published: undefined
جونیئر محمود نے 60 اور 70 کی دہائی میں اپنے وقت کے بڑے اداکاروں کے ساتھ کئی فلموں میں بطور چائلڈ آرٹسٹ کام کر کے اپنی شناخت بنائی تھی۔ بعد میں، ایک بالغ فنکار کے طور پر، انہوں نے کئی ہندی اور مراٹھی فلموں میں بھی کام کیا۔ نونہال، محبت زندگی ہے، سنگھرش، برہمچاری، فرشتہ، کٹی پتنگ، انجانا، دو راستے، یادگار، آن ملو سجنا، جوہر محمود ان ہانگ کانگ، کارواں، ہاتھی میرے ساتھی، چھوٹی بہو، چنگاری، ہرے رام ہرے کرشن، گیت گاتا چل جیسی فلموں اور کچھ ٹی وی شوز میں بھی کام کیا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined