اسپائی تھرلر فلم ’الجھ‘ میں کام کریں گی جھانوی کپور

ممبئی: بالی ووڈ اداکارہ جھانوی کپور اسپائی تھرلر فلم ’الجھ‘ میں نظر آئیں گی۔ فلم الجھ میں جھانوی کپور کے ساتھ گلشن دیویا اور روشن میتھیو مرکزی کردار میں نظر آئیں گے۔ حال ہی میں میکرز نے انٹرنیشنل اسپائی تھرلر فلم 'الجھ' کی کاسٹ اور ٹائٹل کا اعلان کیا ہے۔

فلم الجھ کی شوٹنگ مئی کے آخر سے شروع ہونے والی ہے۔ اس فلم میں جھانوی کپور، گلشن دیویا اور روشن میتھیو کے ساتھ راجیش تایلانگ، میانگ چانگ، سچن کھیڈکر، راجندر گپتا اور جتیندر جوشی جیسے متعدد فنکار اہم کرداروں میں نظر آئیں گے۔ فلم الجھ کو سدھانشو ساریہ ڈائریکٹ کرنے جا رہے ہیں۔ فلم کی کہانی پرویز شیخ اور سدھانشو ساریا نے لکھی ہے۔ مکالمے اتیقا چوہان نے لکھے ہیں۔

بتایا جا رہا ہے کہ فلم الجھ کی کہانی ایک آئی ایف ایس افسر کی ہے جس کا تعلق بااثر محب وطنوں کے خاندان سے ہے۔ الجھ کی کہانی میں موڑ یہ ہے کہ نوجوان آئی ایف ایس آفیسر ایک خطرناک ذاتی سازش کا شکار ہو جاتا ہے اور مختلف پریشانیوں میں پھنس جاتا ہے۔