بلغاریہ میں عالیہ بھٹ اور رنبیر کپور ایک ساتھ

آج کل عالیہ بھٹ اور رنبیر کپور کے رشتوں کو لے کر خوب چرچے ہیں ۔ عالیہ نے جب سے اَیان مکھرجی کی فلم ’برہماستر‘ میں اپنے بچپن کے پیار رنبیر کپور کے ساتھ کام کرنا شروع کیا ہے، اسی وقت سے طرح طرح کی باتیں ہونی مزید تیز ہو گئی ہیں ۔ ویسے بھی دونوں کئی تقریبات میں ایک ساتھ دیکھے گئے ہیں جس سے یہ صاف ہے کہ دونوں ایک دوسرے کے کافی قریب ہیں ۔ کئی ذرائع ان کی قریبی رشتے کی تصدیق بھی کرتے ہیں۔ عالیہ نے بھی کئی مرتبہ اس بات کا اعتراف کیا ہے کہ دونوں کافی قریب ہیں لیکن اس نے کبھی اس بات کا اعتراف نہیں کیا کہ ان دونوں کے بیچ دوستی سے الگ کوئی رشتہ بھی ہے۔

رنبیر کپور نے بھی عالیہ کے قریب ہونے کا اعتراف کیا ہے ۔ دونوں کے ساتھ ہونے کی کئی تصاویر ایک ساتھ کئی مرتبہ نظر آئی ہیں ۔ خبریں ہیں کہ دونوں کو حال ہی میں بلغاریہ میں ایک ساتھ دیکھا گیا ہے ۔دونوں کے چاہنے والے ان کے رشتوں کے بارے میں جاننے کے لئے بے چین ہیں لیکن ابھی تک جو ان کو خبریں مل رہی ہیں وہ صرف ان کے قریب ہونے کی ہیں ان کے کسی ’خاص رشتہ‘ میں ہونے کی نہیں۔