عراق میں پی کے کے کے ساتھ جھڑپوں میں 6 ترک فوجیوں کی موت

شمالی عراق میں کردستان ورکرز پارٹی (پی کے کے) کے لڑاکوں کے ساتھ جھڑپ میں ہفتہ کو چھ ترک فوجی ہلاک اور ایک فوجی زخمی ہو گیا۔ترک وزارت دفاع نے اتوار کو یہ اطلاع دی۔

وزارت نے ایک بیان میں کہا کہ جھڑپیں اس وقت شروع ہوئیں جب پی کے کے کے ارکان نے شمالی عراق میں ترک فوجی اڈے میں دراندازی کی کوشش کی۔ اس میں کم از کم 13 شدت پسند مارے گئے۔ علاقے میں جھڑپیں جاری ہیں اور ترک فضائیہ پی کے کے کے ٹھکانوں پر فضائی حملے کر رہی ہے۔

ترک افواج اکثر شمالی عراق میں پی کے کے کے ٹھکانوں، خاص طور پر قندیل پہاڑوں میں، پی کے کے کے مرکزی اڈے کے خلاف زمینی کارروائیاں یا فضائی حملے اور توپ خانے سے بمباری کرتی ہیں۔

ترک حکومت نے اپریل 2022 میں شمالی عراق میں پی کے کے کے خلاف لڑنے کے لیے آپریشن کلاؤ- لوک شروع کیا۔ پی کے کے، جسے ترکی، امریکہ اور یورپی یونین نے دہشت گرد تنظیم کے طور پر درج کیا ہے، تین دہائیوں سے زیادہ عرصے سے ترک حکومت کے خلاف بغاوت کر رہی ہے۔