کیا حقیقت ہے ایران اور امریکہ کے مابین قیدیوں کے تبادلے کی رپورٹ؟

ایران کی وزارت خارجہ کے ترجمان سعید خاطب زادہ نے پیر کو امریکہ اور ایران کے مابین قیدیوں کے تبادلہ کےمعاہدہ سے متعلق میڈیا رپورٹ سے انکار کیا ہے۔

خیال رہے کہ لبنان کے براڈکاسٹر اے مایادین نے ایران کے ذرائع کے حوالے سے اتوار کو خبر دی تھی کہ دونوں ملک اپنے یہاں قید ایک دوسرے کے شہریوں کی ادلا بدلی کا منصوبہ بنا رہے ہیں۔ رپورٹ میں کہا ہے کہ امریکہ نے ایران میں ضبط پڑی اس کی املاک کے بدلے میں سات ارب ڈالر کا بھی وعدہ کیا ہے۔ امریکی محکمہ خارجہ پہلے ہی اس رپورٹ کو خارج کرچکا ہے۔

خاطب زادہ نے پریس کانفرنس میں کہاکہ امریکہ کے ساتھ قیدیوں کی ادلا بدلی سے متعلق رپورٹ صحیح نہیں ہے۔ قیدیوں کا مسئلہ تھا اور یہ ایک انسانی معاملہ ہے اور یہ ایران کے ایجنڈہ میں ہمیشہ رہا ہے۔ نیوکلیائی معاہدہ پر ہوئی بات چیت سے علیحدہ اس کی نگرانی کی گئی ہے۔