خصوصی انٹرویو: کانگریس جنرل سکریٹری کے. سی. وینوگوپال کیرالہ میں اپنے مخالفین کو غلط ثابت کرنا چاہتے ہیں

الپوژا میں میرے بیشتر ووٹر غریب طبقہ سے تعلق رکھتے ہیں۔ میں ان کی ضرورتیں شروع سے ہی سمجھتا ہوں اور ان کے ساتھ گھلا ملا ہوں، میں ان کے درمیان کا ہی ہوں۔ وہ بلاجھجک میرے پاس آتے ہیں، جب بھی کوئی مسئلہ ہوتا ہے، کوئی ایشو ہوتا ہے تو وہ میرے پاس آتے ہیں اور میں بغیر پارٹی لائن یا مذہبی و نسلی تفریق کے اس کا حل نکالنے کی کوشش کرتا ہوں۔ میرے دروازے سبھی کے لیے ہمیشہ کھلے ہیں۔ میں اپنی طرف سے ہر کوشش کر ان کی مدد کرتا ہوں اور یہی میرے اور ان کے گہرے روابط کا راز ہے۔

میں نے اس چیلنج کو قبول کیا ہے، اور میں اب انھیں الٹا چیلنج دیتا ہوں کہ وہ کیرالہ آ کر انتخاب لڑیں اور جیت کر دکھائیں۔ آخر وہ کیرالہ سے کیوں انتخاب نہیں لڑتے۔ میں 5 مرتبہ یہاں سے انتخاب جیتا ہوں اور میں نے 2019 میں انتخاب نہیں لڑا تھا۔ جب میں نے انتخاب نہیں لڑا تو کہنے لگے کہ میں شکست سے ڈرتا ہوں، اسی لیے میں نے یہ چیلنج قبول کیا ہے۔

دیکھیے، ہم تو مرکز میں حکومت بدلنے کی پالیسی پر کام کر رہے ہیں اور وہی ہماری ترجیح ہے۔ اس لیے پارٹی نے مجھے یہاں سے انتخاب لڑنے بھیجا ہے اور ہمیں زیادہ سے زیادہ سیٹیں جیتنے کی کوشش کرنی ہے۔ ابھی راجیہ سبھا میں میری تقریباً ڈیڑھ سال کی مدت کار بچی ہوئی ہے، لیکن اس وقت لوک سبھا میں سیٹیں بڑھانا زیادہ اہم ہے۔

وزیر اعظم کے پاس صرف ایک ہی ہتھیار ہے اور وہ فرقہ وارانہ پولرائزیشن ہے۔ ان کے پاس عوامی مسائل کا کوئی حل نہیں ہے اور ملک میں خطرناک سطح پر پہنچتی بے روزگاری پر کوئی جواب نہیں ہے۔ آج تنہا سرکاری محکموں میں ہی 30 لاکھ عہدے خالی ہیں۔ ضروری چیزوں کی قیمتوں میں اضافہ کو دیکھیے، رسوئی گیس اور ڈیزل کی قیمت دیکھیے۔ مرکزی حکومت نے ان سب کے لیے کیا کچھ کیا ہے؟ آخر حکومت کب کسانوں کی پریشانیوں اور زرعی بحران پر کچھ کرے گی؟ خواتین کی خود مختاری پر کیا کرے گی؟ ان محاذ پر حکومت خاموش ہے۔ وہ صرف ووٹ حاصل کرنے کے لیے فرقہ وارانہ جذبات مشتعل کرتے ہیں، وہ ’تقسیم کرو اور بادشاہت کرو‘ کی پالیسی پر کام کر رہے ہیں۔ کیا وزیر اعظم کو انتخاب جیتنے کے لیے طبقات کے درمیان نفرت پھیلانی چاہیے؟ کانگریس کو نفرت کی اس سیاست کا جواب دینے کی ضرورت نہیں ہے۔ عوام خود اسے سمجھ رہے ہیں۔

میں ایک مذہبی شخص ہوں اور ہر مہینے گرووَیور مندر جاتا ہوں، لیکن میں اپنی مذہب کی تشہیر نہیں کرتا۔ میرا ایمان، میرا مذہبی عقیدہ مجھے مذہب کے نام پر کسی کی جان لینا نہیں سکھاتا ہے۔ میرا مذہب تو سب کے لیے دعا کرنا سکھاتا ہے۔ بی جے پی والے دراصل بھگوان سے ڈرنے والے لیڈر نہیں ہیں، اگر ایسا ہوتا تو کیا وہ اس طرح نفرت پھیلاتے؟ ہم جانتے ہیں کہ یہ سب حقیقی ایشوز سے لوگوں کی توجہ بھٹکانے کے ہتھکنڈے ہیں اور کانگریس ہر طرح سے کوشش کرے گی کہ لوگ اس بہکاوے میں نہ آئیں اور حقیقی مسائل کو پہچانیں۔

پی ایم مودی نے ہمارے انتخابی منشور پر حملہ کیا، ہم نے تو ان سے اسی لیے ملنے کا وقت طلب کیا ہے تاکہ ہم انھیں سمجھا سکیں کہ دیکھو ’نیائے پتر‘ میں کیا لکھا ہے۔ ہم نے اپنے لیڈروں کو کہا ہے کہ وہ وزیر اعظم کو کانگریس کا انتخابی منشور بھیجیں۔ ہمارا انتخابی منشور ہی ہمارا اسلحہ ہے، ہماری پانچ گارنٹیاں ’یوا نیائے‘، ’حصے داری نیائے‘، ’مہیلا نیائے‘، ’کسان نیائے‘ اور ’شرمک نیائے‘ ہی ہماری طاقت ہے۔ ہم جب اقتدار میں آئیں گے تو ان وعدوں کو نبھائیں گے۔

وجہ صاف ہے، پینارائی وجین جانتے ہیں کہ راہل گاندھی پر حملہ کرنے سے وہ مودی کو خوش کر دیں گے۔ ان کے اور ان کی بیٹی کے خلاف کئی کیسز ہیں۔ انھیں ای ڈی کا خوف ہے اور راہل گاندھی پر بے معنی حملے کر کے وہ مرکزی ایجنسیوں سے بچنے کی کوشش کر رہے ہیں۔ دھیان دیجیے کہ اس طریقے سے لیفٹ کا کوئی دیگر سینئر لیڈر راہل گاندھی کو نشانہ نہیں بنا رہا ہے۔ پینارائی وجین ایک طبقہ کو راہل گاندھی کے خلاف مشتعل کرنا چاہتے ہیں، لیکن کیرالہ کے لوگ جانتے ہیں کہ مودی اور بی جے پی کے سب سے بڑے مخالف راہل گاندھی ہیں۔ لوگ جانتے ہیں کہ مودی کے ہتھکنڈوں کا راہل گاندھی کس طرح مقابلہ کرتے ہیں اور وجین کی تقریر ان کی اس شبیہ کو نہیں گاڑ سکتی۔ مینڈیٹ اس بات کو آنے والے دنوں میں صاف کر دے گا۔

کانگریس کا سی اے اے پر رخ بالکل واضح ہے۔ پارٹی کے اراکین پارلیمنٹ نے اس بل کے خلاف پارلیمنٹ میں ووٹ دیا تھا۔ راہل گاندھی نے آسام میں صاف طور پر کہا کہ کانگریس اسے کبھی نافذ نہیں ہونے دے گی۔ کوزیکوڈ میں بھی گزشتہ ہفتہ ہی راہل گاندھی نے کہا کہ کانگریس مذہبی بنیاد پر سی اے اے نافذ نہیں کرے گی۔

نہیں، اس بار یہ نہیں چلنے والا، اس کا امکان 0.1 فیصد بھی نہیں ہے۔ وہ صرف اپنی حکومت کی خامیوں کو چھپانے کے لیے سی اے اے کی آڑ لے رہے ہیں، لیکن کیرالہ کے لوگ ان کی اس چال کو سمجھ گئے ہیں۔

ملک کے موڈ کا اندازہ تو پی ایم مودی کی راجستھان میں کی گئی تقریر سے ہی سمجھ میں آ جاتا ہے۔ کانگریس نے پہلے مرحلہ میں بہترین کارکردگی کا مظاہرہ کیا ہے اور انڈیا بلاک کے ساتھیوں نے بھی سخت مقابلہ کیا ہے۔ پی ایم مودی کی تقریر اشارہ کر رہی ہے کہ بی جے پی میں خوف اور مایوسی کا ماحول ہے۔

دو اسباب ہیں جس کی وجہ سے لوگوں نے کانگریس کو خیر باد کہا۔ یا تو وہ جانچ ایجنسیوں سے، یا پھر بی جے پی سے ڈرے ہوئے تھے اور پھر سے وہ پیسہ اور اقتدار کے لالچ میں آ گئے۔ ان کے استعفوں سے کانگریس کو فرق نہیں پڑنے والا۔ جب ان لوگوں نے پارٹی چھوڑی تو ان سے کانگریس کے خلاف بیان دلوائے گئے۔ اس سے پہلے تک تو میڈیا ان کا مذاق بناتا رہتا تھا، لیکن اب ان کی خوش آمد ہو رہی ہے۔

ہمارا ہدف بی جے پی مخالف ووٹوں کو ہر جگہ اپنے حق میں کرنا ہے۔ اس کے لیے ہمیں قربانی کی ضرورت تھی۔ کچھ مقامات پر اس سے ہمیں تکلیف بھی ہوئی، جیسے کہ مہاراشٹر میں۔ لیکن ہمارا آخری ہدف بی جے پی کو ہرانا ہے۔

ہم بہت اچھی حالت میں ہوں گے۔ انڈیا اتحاد مرکز میں حکومت بنائے گا۔